Festival de acordeóns

O pasado sábado unha representación de nenos e nenas do colexio  participaron no IV FESTIVAL MÚSICAS DO CAMIÑO, organizado polo grupo de acordeóns Os Lóstregos da Estrada.

 

 

MOCHILAS VIAXEIRAS

 Hoxe comezan a viaxar dende a biblioteca escolar ata as vosas casas as primeiras MOCHILAS VIAXEIRAS con contidos para compartir momentos en familia.

Cada neno/a levará a mochila viaxieira de Miroleo dúas semanas, e van cargadiñas de narrativa en galego, castelán, en inglés, música, xogos, artigos para as familias...ESPEREMOS QUE AS DISFRUTEDES MOITO!!!

 

 

SAÍDA A SANTIAGO DE COMPOSTELA

 Hoxe o alumnado de Educación Primaria realizou unha saída ata Santiago de Compostela para ver un espectáculo musical de Odaiko Percusión

 

 

Despois visitaron a Praza do Obradoiro e a zona vella de Santiago

 

 

Novidades

 A visita da librería Aenea, trouxo moitas novidades que xa están na nosa biblioteca escolar para que disfrutedes de novas lecturas!

 

 

ANIMACIÓN Á LECTURA

Hoxe, recibimos a visita de Lola, da librería Aenea na nosa biblioteca.

Lola realizou actividades de animación á lectura con todo o alumnado do centro, dende os máis cativos aos maiores. 

A actividade consistiu no seguinte: os nenos atoparon expostos decenas de libros sobre as mesas da biblioteca, cada un escolleu o que máis chamaba a súa atención e a continuación, tendo en conta esta selección, Lola encargouse de presentar cada un dos libros elixidos polo alumnado. 

Estes libros pasarán a formar parte dos estantes de novidades da nosa biblioteca; agardando ser lidos.

TALLER: RECICLAXE DE ACEITE

O pasado vernes, o alumnado de 5º e 6º de Ed. Primaria, realizou un taller de reciclaxe de aceite, enmarcado dentro do programa educativo Ponte a Zero, cuxo obxectivo é educar e sensibilizar sobre a redución e a boa xestión dos residuos.

A actividade parteu dunha charla, na que o ponente explicou conceptos básicos para o coidado do medioambiente, refrescando a regra dos tres R, facendo fincapé na limpeza ecolóxica, recordando accións individuais que contribúen ao coidado do mesmo, entre outros moitos aspectos.

Unha vez rematada a charla, comezouse coa elaboración de xabóns a partir de aceite usado. 

A continuación, podedes ver algunhas recomendacións para levar a cabo unha limpeza ecolóxica no voso fogar:

DÍA DA POESÍA

 O 21 de marzo, celebramos o DÍA DA POESÍA.

Actualizamos o recanto de MIROLEO RECOMENDA....

 

No momento lector o alumnado de Ed. Primaria estiveron  lendo os seus fermosos micropoemas que fixeron para a participación do XII Concurso de Micropoemas  e Microrrelatos.

Este ano as palabras elixidas para os micropoemas foi pobo e para os microrrelatos foi pandeireta.